清新素食

清新味道,用心製作,回歸食物的基本

清山塾的素食理念

不做仿葷的食物;盡量以最基本的調味帶出食物的味道;盡量自製醬料,好讓食客不必進食太多化學添加劑;不力追新奇食材,盡量幫襯附近小店買貨以促進社區經濟。植物本身自有其酸、甜、苦、辣,還有鮮,即使沒有任何調味,不作烹調,味道依然豐富。在味蕾還未被太多合成的調味縱壞前,我們仍好好享受自然的味道。


客席厨房

食是文化的交流,也是聚首的藉口。

【清山寡肉•素昧平生 by Chef LeQ】- 2018年2月開始
Chef LeQ 向來入厨了得,故有「主席」(煮食諧音)之稱,但嚟到清山塾,煮唔到有肉嘅signature dish,唯有向更刁鑽嘅素菜式挑戰,務求令平時「肉罷不能」嘅朋友都可以一嚐菜根香,素昧平生。
主選日子,約定LeQ 和清山塾,再約三五知己(即係八位起,最多十二位),分甘同味,只談風月。每位HK$360
扣除食材成本,餘數將撥作支持清山塾。
訂座請致電2461 6288,並註明日期、人數。

【情迷黎巴嫩 A taste of Lebanon】- 2018年4月5-6日
繼 Chef LeQ嘅〈清山寡肉〉私房菜同波蘭賀年菜後,清山塾再獻新菜——黎巴嫩素菜。黎巴嫩菜係咪真係嫩啲?

【波蘭賀年菜 Polish CNY Special】- 2018年2月16-17日
新春想食素,但又想試新野?一於嚟清山塾啦!初一初二,清山塾邀請到客席波蘭朋友,為大家烹調波蘭節慶素食,保證有驚喜!波蘭菜式Kashotto?Polish Cabbage Roll?甜品Kisiel?想試就要快手留位啦!反應熱烈,名額有限,建議大家盡快預訂!